كتير من الأهالي بيخلطوا بين فرط الحركة (Hyperactivity) وتشتت الانتباه (Attention Deficit)، لكنهم مش نفس الشيء. فيه أطفال بيتحركوا كتير لكن بيفهموا كويس، وفيه أطفال هاديين جدًا بس ذهنهم دايمًا شارِد.
أولًا: إيه هو فرط الحركة؟
هو سلوك بيميل للنشاط الزائد عن الحد بشكل مبالغ فيه، الطفل ما يقدرش يثبت في مكان، دايمًا بيتنقل وبيتحرك حتى في مواقف المفروض يكون فيها هادي.
علامات فرط الحركة:
- بيتكلم بسرعة وباندفاع
- بيتنقل من نشاط للتاني بدون تركيز
- بيتسلق الأثاث أو بيجري من غير سبب
- عنده صعوبة في الجلوس خلال الدرس أو الأكل
ثانيًا: إيه هو تشتت الانتباه؟
هو ضعف القدرة على التركيز في نشاط واحد، والذهن بيشرد بسهولة. الطفل ممكن يكون جسمه ثابت، لكن دماغه "مش موجودة".
علامات تشتت الانتباه:
- نسيان التعليمات بسهولة
- التوهان خلال الحديث أو الشرح
- ارتكاب أخطاء بسبب قلة التركيز
- صعوبة في إنهاء المهام حتى لو كانت بسيطة
هل ممكن يكون الطفل عنده الاتنين؟
أيوه، وده اللي بنسميه ADHD (فرط الحركة وتشتت الانتباه معًا). وهو اضطراب معروف بيأثر على التحصيل الدراسي، والعلاقات الاجتماعية، وبيحتاج متابعة دقيقة من الأسرة والمدرسة.
كيف أفرق بينهم بشكل عملي؟
- الطفل اللي عنده فرط حركة بيتحرك كتير جدًا، أما اللي عنده تشتت انتباه ممكن يكون هادي بس مش مركز.
- فرط الحركة بيكون فيه صعوبة شديدة في الجلوس أو الثبات، بينما في تشتت الانتباه ممكن يقعد لكن ذهنه مشغول.
- الطفل اللي عنده تشتت بينسى التعليمات، لكن اللي عنده فرط حركة بينتقل من حاجة لحاجة بسرعة.
- التواصل البصري في فرط الحركة بيكون طبيعي في أغلب الأحيان، أما في تشتت الانتباه ممكن يكون مشتت أو غير مركز.
هل في علاج أو تدخل؟
- تشخيص دقيق عند أخصائي نفسي أطفال
- جلسات تعديل سلوك
- نظام غذائي صحي (تقليل السكر، الألوان الصناعية)
- تنظيم وقت النوم والنشاط
- تمارين تحسين التركيز (زي البازل، الرسم، قراءة القصص القصيرة)
متى ألجأ لمتخصص؟
- لو بدأت تلاحظ إن السلوك بيأثر على المدرسة أو البيت
- لو المعلمين اشتكوا من صعوبة التركيز أو الفوضى المستمرة
- لو الطفل عنده صعوبة في تكوين صداقات
رسالة للأهل:
طفلك مش شقي ولا "صعب".. هو محتاج تفهّم ودعم، مش تأنيب. كل ما اكتشفتي المشكلة بدري، كل ما كانت فرص التحسن أفضل.
زورينا على wepsihati.com
مقالات وتمارين ونصائح عملية للتعامل مع فرط الحركة وتشتت الانتباه.